Դրաստամատ Կանայան (Մայիսի 31, 1884, Իգդիր - Մարտի 8, 1956, Բոստոն) — հայ ժողովրդի հաղթական հերոսներից մեկը, հայ ֆիդայի, Հայաստանի Առաջին Հանրապետության քաղաքական գործիչ։ Դրոն եղել է դաշնակցական։ Ծավալել է քաղաքական, պետական, ռազմական, կուսակցական լայնծավալ գործունեություն։ Դրոն վերացրել է Արևելահայության եղեռագործ գեներալ-նահանգապետ Նակաշիձեին։
Կենսագրություն
Առաջին համաշխարհային պատերազմ
Եղել է Հայ կամավորական 2-րդ ջոկատի հրամանատար Առաջին համաշխարհային պատերազմի ժամանակ։
1918 թ. մայիսին գլխավորել է Բաշ-Ապարանի հերոսամարտը։
Հայաստանի Դեմոկրատական Հանրապետություն
Մեծ դեր է կատարել Հայաստանի Հանրապետության զինված ուժերի կազմավորման և ամրապնդման մեջ։
Դրոն գլխավորել է հայկական զորքերը հայ-վրացական պատերազմի ժամանակ։
Սիմոն Վրացյանի կառավարությունում եղել է ռազմական նախարար։
Դրոն՝ Սիլինի հետ ղեկավարել է Հայաստանը 1920 թ. դեկտեմբերի 2-ից մինչև Հայաստան կժամաներ Հայ Հեղկոմը։ Հետագայում Դրոն ուղարկվել է Մոսկվա, ապա անցել է Ռումինիա, ապա ԱՄՆ։ Երկրորդ համաշխարհային պատերազմ
Դրոն ակտիվ գործունեություն է ծավալել 2-րդ Համաշխարային պատերազմի ժամանակ՝ փորձելով Հիտլերին համոզել, որ հայերը արիացի են, այդպիսով փորձելով փրկել Հայկական ԽՍՀ հայությանը Գերմանիայի հաղթանակի դեպքում։ Իսկ Եվրոպայի հայերին փրկելու գործում նա կատարել է անուրանալի դեր։
Կանայանը հասուն տարիքում Մահը
2-րդ Համաշխարային պատերազմի ավարտից հետո ձերբակալվել է ԱՄՆ-ի զինուժի կողմից, բայց կարճ ժամանակ անց ազատ արձակվել, որից հետո բնակություն է հաստատել Լիբանանում։
Բուժման նպատակով այցելել է ԱՄՆ, որի ընթացքում մահացել է։ Թաղվել է 1956 թվականին (Բոստոնում)։ 2000 թվականի մայիսին վերաթաղվել է Ապարանում (նախկին Բաշ-Ապարանում)։
