Www.ARMhistory.do.am
Բարև Հյուր!
Դուք կարող եք:
Մուտք գործել Կամ Գրանցվել
Նավարկություն
Գլխավոր Հայոց պատմություն Հայեր Ֆորում Գրքեր Նկարներ Հետաքրքրաշարժ Հայկական ֆիլմեր Հայկական մուլտֆիլմեր Օնլայն խաղեր Ձեր կարծիքը մեր մասին Կայքեր Կինոթատրոն Հետադարձ կապ
Բաժիններ
ՀԱՅԿԱԿԱՆ ՄՈՒԼՏՖԻԼՄԵՐ [11]
ԳԵՂԵՑԿՈՒԹՅԱՆ ԳԱՂՏՆԻՔՆԵՐԸ [8]
ՍԵՐ ԵՒ ԱՄՈՒՍՆՈՒԹՅՈՒՆ [16]
ՍԵՌԱԿԱՆ ԿՅԱՆՔ [19]
ՀԱՅՏՆԻ ՄԱՐԴԻԿ [21]
ԽԱՌԸ ԹԵՄԱՆԵՐ [18]
ՀՐԱՇԱԼԻՔՆԵՐ [8]
ՀՈԼՈՎԱԿՆԵՐ [8]
ԵՐԿՐՆԵՐ [2]
ԱՍՏՂԵՐ [2]
ՀԻՇԻՐ [87]
ԲԼՈԳ [9]
Միացեք քննարկումներին
  • Աֆորիզմներ (151)
  • Գրքեր (14)
  • Վեբ ծրագրավորում (14)
  • Հարցեր և պատասխաններ (13)
  • Անեկդոտներ (13)
  • Հայաստանին (13)
  • Քառյակներ (11)
  • Որ ժամանակաշրջանում է Հայաստանը եղել հզոր (11)
  • Հայոց լեզու (10)
  • Անձնական մտքեր,խոսքեր (9)
  • Հին Հունաստան (9)
  • Հեղինակային (8)
  • Ուսանողական կայք տնտեսագետների համար (7)
  • hayoc ekexecu patmutyun (6)
  • Վեբ կայքերի պատրաստում (6)
  • Գլխավոր » 2011 » Հունիս » 30 » Շուշիի մասին ֆիլմի ֆինանսավորումն ուշանում է
    13:07
    Շուշիի մասին ֆիլմի ֆինանսավորումն ուշանում է

    «Արցախյան պատերազմի ժամանակ էր, երբ ադրբեջանցիները մի օրով գրավեցին մեր գյուղը` Վաղուհասը: Այդ ժամանակ էր, որ նրանք մտան ու պղծեցին նաեւ հորս շիրիմը: Երբ տեսա այդ ամենը, հենց նրա գերեզմանի մոտ էլ երդվեցի, որ ամեն ինչ պիտի անեմ ու մի լավ ֆիլմ նկարեմ»,- ասում է ռեժիսոր, ազատամարտիկ Գագիկ Աթասյանը, ով 17  տարեկանից Շուշիի առանձնակի գումարտակի շարքերում մասնակցել է Արցախյան ազատամարտի կռիվներին եւ այսօր արդեն ֆիլմն է նկարում հանուն Ղարաբաղի ճանաչման: Ինչպես նշեց Գագիկը՝ ֆիլմի նպատակն է պատմել ողջ ճշմարտությունը Ղարաբաղյան պատերազմի մասին, որը հասանելի կլինի նաեւ արտասահմանցուն ու դրանով օտարին ճանաչելի կդարձնի նաեւ Արցախն ու հային:

    Ֆիլմում մեր օրերն են, որտեղ «ֆլեշ բեք»-ով, հիշողությունների ձեւով անդրադարձ է կատարվում 20 տարվա քրոնիկոնին` ղարաբաղյան կռվին, Արցախի պատմությանը, Շուշիի ազատագրմանը, Տիգրանակերտին, միաժամանակ նաեւ Սումգայիթին, Բաքվի ջարդերին: Ֆիլմի հերոսը հայ ազատամարտիկ է, ով Աֆղանստանում, պատերազմի ժամանակ, փրկում է ադրբեջանցի իր ընկերոջ կյանքը, բայց ում հետ հանդիպում է արդեն Ղարաբաղյան պատերազմում` սահմանի հակառակ կողմում: Չմանրամասնելով սյուժետային զարգացումները՝ Գագիկը նշեց, որ ֆիլմի ավարտը շատ ուժեղ է մտածված, եւ արդեն համաշխարհային մասշտաբի շատ կինոգործիչներ իրենց դրական կարծիքն են հայտնել ֆիլմի սցենարի շուրջ:

    Ֆիլմի նկարահանման աշխատանքները մեկ տարի է՝ սկսվել են, ինչպես նշեց ռեժիսորը՝ հասել են վերջին փուլին, բայց ֆինանսավորման պատճառով նկարահանումները ձգձգվում են: Ռեժիսորի խոսքերով՝ ֆիլմի 50 տոկոսը ֆինանսավորել է իր ռուս գործընկերը, բայց, ի տարբերություն ռուս գործարարի, հայ գործարարների կողմից աջակցություն չեն ստացել. «Ես հասկանում եմ, որ ադրբեջանցին դեմ է այս ֆիլմի նկարահանմանը, բայց ես չեմ կարող հասկանալ, որ մեր պետությունը կարող է ձեռնպահ մնալ նկարահանման հարցում»:

    Գագիկ Աթասյանը նշեց, որ նախագահականում տեղեկանալով նախագծին՝ մշակույթի նախարարությանը հանձնարարել են ընթացք տալ ֆիլմին: Նախարարությունն էլ իր հերթին հանձնարարել է Ազգային կինոկենտրոնին՝ ուսումնասիրել ֆիլմը եւ իր եզրակացությունը տալ: Վերջինս տվել է իր դրական գնահատականը թե ֆիլմի ստեղծագործական կազմի, թե սյուժեի հետ կապված: «Մեզ խոստացել են, որ պետք է դրվի կառավարության նիստին, եւ ֆիլմի ֆինանսական մի մասն էլ կառավարությունը հոգա, բայց ուշացնում են, հիմա էլ ասում են՝ հաջորդ նիստին կդրվի այդ հարցը: Հուսանք, որ նախարարությունն իր ֆունկցիան կկատարի»,- ասում է ռեժիսորը եւ հավելում, որ ֆինանսավորման ուշացումն ի վնաս մեզ է աշխատում, որովհետեւ պայմանավորվածությունները վաղուց ձեռք են բերվել դերասանների հետ, եւ հիմա ժամանակը մեզանից է գնում:

    Ֆիլմը լինելու է հայ-ռուսական արտադրության եւ մինչեւ նկարահանման ավարտը ամենաքիչը 5 երկրի արտադրության ֆիլմը կդառնա, կթարգմանվի 5 լեզուներով, ինչը հատուկ է արվում, որպեսզի միակողմանի ֆիլմ չդիտվի. «Սա հիմնականում դրսի համար է, մենք մեր պատմությունը լավ գիտենք, եթե պետք է նկարենք ֆիլմ, ու ինքը մնա Հայաստանում` իմաստ չունի, պետք է այնպիսի ֆիլմեր նկարենք, որ հասանելի լինեն օտարին, ու դրանով օտարը ճանաչի մեզ: Ունենք նաեւ հնարավորություն ֆիլմը ամենահեղինակավոր կինոփառատոններում ներկայացնելու»:

    Ֆիլմի ռեժիսորն ու պրոդյուսերը նշեց, որ հատուկ նպատակով ուսումնասիրել է տասնյակից ավելի ադրբեջանական ու թուրքական ֆիլմեր, ու եթե հայ չլիներ, կհավատար, որ այդ պատերազմում նրանք են ճիշտը եղել. «Ադրբեջանական պրոպագանդան շատ ուժեղ ու արդյունավետ է աշխատում, շատերը դրսում,  անգամ Ռուսաստանում չգիտեն, որ հայերը քրիստոնյա են, որ Ղարաբաղում խաղաղ բնակչություն է ապրում»: Գագիկը նշեց, որ ֆիլմն արդեն իր նպատակին ծառայում է, սոցիալական ցանցերում ակտիվ քարոզչություն են իրականացնում: Ֆիլմին՝ ռուսական, արտասահմանյան թերթերից բացի, անգամ ադրբեջանական ԶԼՄ-ներն են անդրադարձել: Իսկ ադրբեջանցիները սկսել են արդեն սպառնալ՝ ֆիլմը չնկարահանեք:

    Ֆիլմը նախնական տարբերակով կոչվելու է «Թեկուզ», բայց հավանական է նաեւ «Շուշի» տարբերակը: «Մենք այս ֆիլմով չարություն չենք քարոզելու, ադրբեջանցու դերը խաղալու է հնդիկ լեգենդար դերասան, ով սիրված է եւ հայերի կողմից, եւ ադրբեջանցիների: Ես հատուկ եմ այդպես արել, որովհետեւ ինչքան էլ արգելեն ու չուզենան ցուցադրել ֆիլմը, բայց քանի որ շատ են սիրում այդ դերասանին, ուզած-չուզած՝ կնայեն: Դա իմ կողմից տակտիկական քայլ է»,- նշեց Գագիկ Աթասյանը: Նախնական պայմանավորվածության համաձայն՝ ֆիլմը պատրաստ կլինի աշնանը:

    ՀԵՂԻՆԱԿ՝ Սոնա Ադամյան
    Կատեգորիա: ԲԼՈԳ | Դիտումներ: 768 | Ավելացրել է: armhistory | Պիտակներ: ֆիլմ, Շուշի | Ռեյտինգ: 3.7/3
    Մեկնաբանությունների քանակը: 0

    Օգնեք կայքին տարածեք այս նյութը:
    Մեկնաբանելու համար պետք է գրանցվել կայքում
    [ Գրանցվել | Մուտք գործել ]
    Հայկական տոմար
    Ancient Armenian Calendar
    Armenian history
    История Армении
    Մարզեր
    Արմավիրի մարզ Արարատի մարզ Արագածոտնի մարզ Արցախ Գեղարքունիքի մարզ Լոռու մարզ Կոտայքի մարզ Շիրակի մարզ Սյունիքի մարզ Վայոց Ձորի մարզ Տավուշի մարզ
    Հայաստան
    Բուսական աշխարհ Կենդանական աշխարհ Արագած Արալեռ Արարատ (Մասիս) լեռը Արտանիշ Արփա Որոտան Գառնու ձոր Գեղամա լեռներ Դեբեդ Դիլիջանի արգելոց Թարթառ Խոսրովի անտառ Սևան Հատիս
    Հիշիր
    Current Position
    Новости Карабаха
    Армянский исторический портал
    KillDim.com