Հնուց եկած կարծիք է` տղամարդն ու կինը մեկ ամբողջություն են: Նրանց համատեղությամբ է պայմանավորված կյանքի հետագա զարգացումը, այսինքն` ժառանգությունը: Այդուհանդերձ, մենք որպես անհատներ` տարբեր ենք: Թեկուզ աշխարհընկալման տեսանկյունից: Ժամանակի հետ ընտանիք կազմելն ավելի է դժվարանում: Ստիպված ենք լինում միմյանցից սովորել և սովորեցնել միմյանց : Ոմանք կարողանում են, ոմանք էլ մի քանի անգամ ընտանիք կազմելուց հետո` նախընտրում են ընտանի կենդանի պահել, որպեսզի պահպանեն առողջությունն ու նյարդերը: Իսկ ինչ անեն նրանք, ովքեր շարունակում են պայքարել խաղաղ կեցության համար: Ահա մի քանի խորհուրդ այն կանանց, ովքեր շարունակում են մի արարածի հետ, որի անունը "սիրելի տղամարդ է”:

1. Ամեն անգամ վիճելիս` հիշեք " Կախարդական ջրի” հեքիաթը և այն կնոջը, որ բերանում ջուր էր պահում, երբ ամուսինը կրկին փորձում էր նրան կշտամբել: Արդյունքում` ամուսինը հոգնեց ինքնիրեն խոսելուց և հանգստացավ: Միթե սա խաղաղ կեցության օրինակ չէ: Երբեմն չցանկանալով` հենց ինքներս ենք յուղ լցնում կրակի վրա : Միշտ հիշեք` հաճախ ավելի լավ է լռել, քան խոսել:

2. Եթե չի ստացվում առաջին ձևը, ապա հնարավորություն կա հետաձգել վիճաբանությունը, քանզի զայրույթի պահին մարդը կարող է ավելորդ բառեր ասել, և Աստված մի արասցե, վեճը կարող է կարող է ավարտվել ողբերգությամբ : Հետամուտ եղեք ինքնատիրապետմանը: Չէ որ սառնասիրտ քննարկումն առավել ապահով ու անվտանգ է:

3. Եթե պատկերացնում եք, թե խոսքն ինչի մասին է, մտքում ձևակերպեք վեճի թեման , գուցե այդ ժամանակ դուք հասկանաք, որ վիճելու կարիք չկա:

4. Ձևակերպելով առկա խնդրի թեման ` մի հեռացեք նրանից, մի հիշեք հին մեղքերն ու վիրավորանքները, սյլապես ձեզ էլ դրանից բաժին կհասնի: Եթե շարունակեք հիշել հինը, ուրեմն ինքներդ եք ցանկանում սկանդալ սարքել: Մինչդեռ վեճի իրական պատճառը միանգամայն այլ է, կամ էլ այն ընդհանրապես բացակայում է:

5. Խնդրեմ, վիճեք: Սակայն ինչու վիրավորել նրա ինքնասիրությունը. դա կնսեմացնի ձեզ: Մի՞թե դուք այդքան վստահ եք, որ լավն եք նրանից և իրավունք եք վերապահում քննադատել նրան: Դարձյալ ու դարձյալ մի շեղվեք թեմայից:

6. Վերջ տվեք շարունակ խոսելուն: Առանց այդ էլ կանանց մասին անեկդոտներն ու ասացվածքները շատ– շատ են: Օրինակ` "Շան հաչոցը կտրող”…Հետևապես շունչ քաշեք և թույլ տվեք ձեր ձեր զուգընկերն էլ խոսի, վստահ եղեք, նա դա կգնահատի: