Կազմել ընտանիք - դա շատ քիչ է, այն պահպանելու համար պահանջվում է բավականաչափ ուժ, ծախս և գիտելիք: Այժմ, կազմելով նոր ընտանիք, դուք մտել եք հարաբերությունների նոր փուլ: Ձեռք եք բերել նոր իրավունքներ ու պարտականություններ: Դուք պետք է պատրաստ լինեք պատասխանատվություն կրել ձեր արաքների համար մի մարդու առջև, որը գտնվում է ձեր կողքին: Պետք է գործադրել բոլոր ջանքերը, որպեսզի այժմ արդեն ձեր ընտանեկան հարաբերությունները շարունակեն զարգանալ ներդաշնակորեն և ոչ մի դեպքում չպետք է թույլ տալ ետընթացություն, որը տանում է երկարատև վեճերի : Հոգեբաններն առաջարկում են չորս նախապայման, որոնք կօգնեն պահպանել սերը, հանգստությունն ու համերաշխությունը Ձեր ընտանիքում:
ԱՌԱՋԻՆ ՆԱԽԱՊԱՅՄԱՆ. Զուգընկերոջ հետ շփվելու ժամանակ փորձեք խուսափել հետևյալ արտահայտություններից.
_ Ես քեզ հազար անգամ ասել եմ, որ…
_ Իսկ դու ինքդ…
_ Քանի անգամ քեզ կարելի է կրկնել…
_ Դու դարձել ես այնպիսի…(անուշադիր, անտարբեր, կոպիտ, ձանձրալի և այլն)
_ Դու այնպիսին ես, ինչպին են քո ծնողները…
_ Բոլոր մարդիկ (այսպիսին են, այսպես են իրենց պահում…), իսկ դու…
_ Եվ միայն ինչի՞ մասին ես դու մտածում…
_ Մի՞թե դժվար է հիշել, որ…
_ Մի՞թե քեզ հասկանալի չէ, որ…
Եվ որքան հնարավոր է հաճախ արտահայտեք.
_ Դու իմ ամենա… (խելացին, գեղեցիկը, ուժեղն ու ուշադիրն ես և այլն)
_ Ապրես դու…
_ Քեզ հետ այնպես հեշտ է…
_ Դու ինձ միշտ ճիշտ ես հասկանում…
_ Ես ոչ ոքի այդպես չեմ հավատում, ինչպես քեզ…
_ Քեզանից մտերիմ ու հարազատ ոչ ոք չունեմ…
_ Ինձ խորհուրդ տուր, չէ որ դու շատ լավ ես կողմնորոշվում…
_ Ես այնքան շնորհակալ եմ քեզ, նրա համար, որ…
_ Ես երբևէ չէի կարող դա այդքան լավ անել, ինչպես դու…
ԵՐԿՐՈՐԴ ՆԱԽԱՊԱՅՄԱՆ. Ժամանակ առ ժամանակ բարեհամբույր կերպով և հանգիստ ձայնով քննարկեք և վերլուծեք բոլոր փոխադարձ գանգատները, բացատրելով, որ դրանք լինում են անտեղի և վիրավորական:
ԵՐՐՈՐԴ ՆԱԽԱՊԱՅՄԱՆ. Ձգտեք համատեղ գործունեության` զբաղվել միևնույն սպորտաձևով, արվեստով, երեխաներով:
ՉՈՐՐՈՐԴ ՆԱԽԱՊԱՅՄԱՆ. Ձեզ շրջապատող մարդկանց (ընկերներ, բարեկամներ) մեջ գտեք որքան հնարավոր է շատ բարություն, հետաքրքրություն, հմայք, և որքան հնարավոր է հաճախ նրանց վերաբերյալ լավ խոսեք: Հնարավոր է, որ կյանքի դրական և ուրախ կողմերի հանդեպ եղած ուշադրությունն արթնացնեք ոչ միայն ինքներդ ձեր մեջ, այլ նաև ձեր զուգընկերոջ: Եվ ոչ մի դեպքում ձեզ շրջապատողների ներկայությամբ ձեր զուգընկերոջ մասին վատ մի խոսեք, մի արտահայտեք բացասական էմոցիաներ:
Ակտիվ կյանք վարեք. շատ շփվեք տարբեր մարդկանց հետ, ձեռք բերեք նոր ծանոթություններ, արձակուրդներն անցկացրեք միմյանց հետ, ճանապարհորդեք, հաճախեք թատրոններ, համերգներ , քննարկեք գրքեր: Այդ ամնեը զարգացնում է մարդուն և ստիպում է զգալ հասուն և ինքնուրույն կյանքի համը, այլ ոչ թե անհօգ մանկության կարգիվաճակը:
Սիրեք միմյանց, հոգ տարեք միմյանց մասին, և Ձեր ընտանիքն իսկապես կլինի երջանիկ ու բարեհաջող:
Աղբյուր` http://www.wedding.am
